Vave le tali atu ale vaega ole tineimu ile taeao analeila ise afi na sasao ane I le faaitu o Pt Chevalier lea na iloa mamao atu mai le Motorway le asu o le afi. Tolu taavale a le tineimu na agai an emo lea galuega mae taunuu atu ua sasao malosi le afi.
Molimau a se tasi tagata mai West Harbour I le herald na taua ai ao agai mai I le city na vaaia ai le asu mai le nofoaga na mu.Mulimuli ane na vaaia ai le poloka o le alatele I Great North ma tuuina ai ma se lapataiga ma le Auckland Transport ina ia alofia le faaitu lea ma o le a iai se faatuai o femalagaaiga.
Poo le tea o le valu na faailoa ai ua mafai ona tape le afi ae e le o taua mai I lipoti le nofoaga na faaleagaina ae pe na mafua I se a. Ua toe faamanatu ai le fautuaga mai leoleo ma le tineimu ina ia mataala i tulaga e ono faatupu ai faalavelave faapea ma ia fai foi ma siaki fale ma nofoaga o pisinisi poo saogalemu ao lei agai ese ile taimi e maea ai galuega.
O le aso ua lipotia mai ai foi I Sini Ausetalia se tasi o afi tele ua sasao ane I se tasi o nofoaga faapisinisi mae oo mai I le taimi nei o loo tau faamautuina pea le mafuaaga.
