O loo tumau pea le lē faanofoesea o pasese mai Samoa taunuu I Niu Sila, pau o lea e moomia le faia o siaki e lua

Ao faaopoopo pea le fuainumera o tagata I tua I le komiuniti I Samoa aafia I le faamai, pau le suiga faaopopo ua faailoa mai e le soifua maloloina a Niu Sila o le a tuuina atu I pasese taunuu mai Samoa rapid antigen tests e faia ai siaki o le faatoa taunuu mai ma le siaki lona lua I le aso 5 agai I le aso 6

O lea o loo tumau pea le omai lē moomia le faanofoesea ma o siaki ua faatonuina nei e tatau ona ripotia faaiuga I le imeli poo le telefoni

O se suiga o loo taulai faapitoa I faigamalaga e fa e aofia ai ma le tasi lea na taunuu I le faaiuga o le vaiaso

O le isi faigamalaga o loo fuafua mo a taeao, Aso Lua o le vaiaso fou ma le aso 10 o Aperila taunuu I Aukilani pau ia o faigamalaga o loo faatonuina le faia o rapid antigen tests

E ono iai nisi suiga faaopoopo I pasese taunuu mai fua I aso o I luma ma le pipisi o le Koviti I si o tatou atunuu