E 48 tausaga o se tamaitai ua molia nei e leoleo ae o loo taofia le faailoaina o le suafa, molia I le faaoolima faamoemoeina ma o le a tulai I le faamasinoga ise aso o le masina nei.
O le faalavelave na tulai mai I Napier na faamanualia ai se tasi foi tamaitai ise fale I Clark Ave ile pitonuu o Pirimai I le aso muamua o Fepuali.
Na maua lea tamaitai ise tulaga tigaina mai manuaga ma faavave atu ai loa I le falemai I Hawkes Bay ma togafitia ai peitai na maliu I le aso ananafi. Ua faailoa mai e le sooupu a leoleo o loo faia pea suesuega I le mataupu lenei ma o loo talia foi pe iai nisi moliaga faaopoopo.
E le mailoa le mafuaaga o le faalavelave ae tatau ona iloa nisi faamatalaga auiliili pe a tulai le ua molia I le faamasinoga
