Ua tau fai faaoo ane faamanuiaga ma faamalosiau a tagata faitau i le molimau a se tasi talavou mai West Auckland ua maua nei le avanoa e aoga ai i se tasi o aoga o loo faatulaga i aoga maualuluga tulaga i le lalolagi, le Iunivesite o Yale poo Yale University.
O Andre Faaoso, e iai lona pito Tonga ma ua ia faamatala i le Herald o se tasi lenei o mea aupito manaia ua tupu ia te ia ma o le isi itu e fiafia ai ona o le toatele o talavou Pasefika ua fesootai atu ma faailoa atu ia te ia ua avea lana tala ma faamalosiau ia i latou.
Fai mai le lipoti o Andre sa aoga i Rutherford College ma sa avea ma taitaiulu o tama i le aoga ma sa sili aoao foi i le aoga i le tausaga talu ai.
Na maua ane ni ona avanoa sikolasipi ma e fiafia iai faiaoga ona o lona loto maualalo ma le faatinoina o ona tiute faataitai.
Na faaaoga e Andre avanoa e talosaga ai mo se avanoa i kolisi ia i Amerika e aofia ai Princeton ma Yale faapea Stanford University.
Fai mai Andre i lea faatalanoaga o le tele ia o galuega e tatau ona fai aemaise ona tiute e oo foi i lona aiga, e iai ana feau e fai e pei o le faamamā o lona potu, teuina o le masini fufulu ipu ma le faiga o le vacuum.
Ua sauni nei mo le amataga o le aoga ia Aokuso o le tausaga nei ma o lana sikolasipi o le a kava atoa ai lona tausaga muamua i le Iunivesite ae toe manaomia foi le toe talosaga mo se isi sikolasipi pe a mae’a le tausaga muamua.
Ua 18 tausaga o Andre mai le faaitu o Te Atatu.
