Ua maua le auro muamua a Niu Sila I le Olimipeka mai le au alo avaa o Grace Prendergast ma Kerri Gowler ina faataunuuina le finals ile aso.
O ananafi na ausia ai e le toalua lea taimi aupito sili I le lalolagi ie tuuga lea i le semifinals.
Faailoa le agaga fiafia ole taitai ole aumalaga a Niu Sila aemaise ole atunuu atoa I taumafaiga a nai tamaitai ia e toalua sa maualuga foi le faamoemoe o le toatele ole a faamanuiaina.
O loo faagasolo pea I le aso isi taaloga e pei ole lakapi taitoafitu a tamaitai aemaise o taaloga volipolo ma isi. Ile taitoafitu a le itupa o alii ua manumalo ai Fiti I le pine auro ile la taaloga ma Niu Sila 27-12 ma ua faasalalau I luga o televise fiafia a Fiti ua faaalia ina ua toe manumaloina foi le auro mo lenei tausaga I taaloga o le Olimipeka e ui ile pagatia o loo iai le atunuu mai le faamai
