E toatele councillors a Ueligitone ua lē o toe mananao e pulenuu Tory Whanau, ma ao mananao ai e faamavae mai le tamaitai pulenuu, ae o loo lagolagoina pea e lē sa pulenuu muamua le faatumau o Tory Whanau.
O le toe sau ai o lipoti o le faasuaavā o le pulenuu i nai vaiaso talu ai i nofoaga faitele, mulimuli ai tautino i le vaiaso nei o lona ia lea vaivaiga, ua faigata ai i councillors o loo latou galulue ona toe talitonuina ma o lea ua fai mai le toatele ananafi ua tatau ona faamavae mai.
Peitai mai ia Justin Lester o lea sa nofoia foi lea nofoa o le pulenuu mo le aai, e moomia e Whanau le faaeteete i taimi e iai i nofoaga faitele ona e lē o se tofiga faigofie ma e toatele o loo maitau, peitai e lē o suia ai lana lagolago mo Tory Whanau.
Fai mai Lester o loo lelei ona pulea e Whanau le aai, atoa ma mataupu o loo ia aumaia e faaleleia ai.
Ua faailoa mai ai foi ma le lē fiafia o Lester i councillors o loo mananao e faaaogā le avanoa ua sese ai le pulenuu e tuli ai.
