I se lipoti lata mai o le faalavelave lea na tulai mai i le gataifale o Raglan i le afiafi ananafi, o lea ua iai le tagata ua maliu ai i lea faalavelave e pei ona lipotia e leoleo na valaau ane ai le latou fesoasoani i le tea o le 6 i le afiafi ananafi.
Ua ta’ua i lipoti e toafā tagata na agai ane i le sami ae toatasi na tau saili mulimuli ane.
O le vaega a le Coastguard na fesoasoani i le sailiga ma maua ai mulimuli ane i luga o maa ma tuuina vave iai le fesoasoani ma togafitiga.
E lei manuia taumafaiga e faasao lona soifua ma maliu ai lava ma ua tuuina atu le mataupu mo suesuega a le coroner.
Ua faailoa i se faamatalaga a le Coastguard i le One News e lua jetski ma se vaa na o latou faaaogāina mo le sailia o lē ua maliu.
O Manu Bay na tupu ai le faalavelave, o se matafaga e masani ai foi le toatele i tauvaga faasee poo le surfing.
Puna o Faamatalaga: https://www.1news.co.nz/2024/04/12/person-dies-after-going-missing-off-raglan-beach
