E na o le 19 tausaga o le alii talavou na maliu ina ua lavea le taavale i Bendigo i Vitoria i le taeao ananafi.
Fai mai le 7News ua faailoa e leoleo o le taavale na sesee ese ma Powell St i White Hills ma agai i totonu o le lotoā o se pisinisi ae o le 19 tausaga lea o se pasese i le taavale ma na maliu ai lava i lea taimi.
O le avetaavale o se alii e 24 tausaga ma sa aveina atu i le falemai i lalo o le vaaiga a leoleo.
O loo faaauau le suesuega ma fia maua e leoleo nisi e silafia nisi faamatalaga e tusa o lenei faalavelave.
Puna o Faamatalaga: https://7news.com.au/news/man-19-killed-in-crash-in-bendigo-victoria–c-15510333
