Ua pa’ū le lagolago mo le National e tusa ma le i’uga o le palota faapolokiki a le 1News, ma o lea ua fo’i mai le faai’uga ua mafai nei e le Labour ona osi lana faigamalo.

E 3% ua pa’ū ai le National, ma ana faapea nei e fai se faigapalota i le asō, o lona uiga ua sui le faigamalo fau faatasi, auā o lea ua ausia nofoa e 61 pe a tuufaatasi le Greens, Te Pati Maori faapea le Labour.

Mo le itu taumatau, National, ACT ma le New Zealand First o lea e na o le 60 nofoa.

I pati ta’itasi, o fuainumera na faailoa mai anapo o loo iloa ai o le National e na o le 43 ona nofoa i totonu o le maota, pa’ū ai le 6, ae o le Labour o lea ua faaopoopo le 8 nofoa.

Ae mo le Palemia e fiafia iai tagata, o lea ua pa’ū foi Christopher Luxon i le 2% ma o le maualalo tele lea talu ona tula’i mai o ia o le Palemia.

E tasi le afe tagata na fesiligia i lenei palota faapolokiki, na faia ai i le vaiaso talu ai mai le aso 3 i le aso 7 o Fepuari.

Puna o Faamatalaga: Poll: Left bloc could form govt as National slides