Lutia i Puava ae mapu i fagalele, o se tasi o muagagana a lo tatou atunuu ua faaautu iai se tasi o tusitusiga mai le Pepa o faamatalaga a le faalapotopotoga o le Le Va e pei ona iai foi nisi o tamalii Samoa ma le pasefika.

O se tusitusiga ua ta’ui ai nisi o tomai ma le loto tele o tagata pasefika e folau i peau louloua o le sami e pei ona iai foi I luitau o le soifuaga ma le oo mai o le faamai Koviti ua suia ai le tele o soifua ma fuafuaga a tagata I ni auala e faagalogata.

Ua toe faamanatu ai e le afioga Taito Eddie Tuiavii i lea tusitusiga le matafaioi a matua mai aso ua tuanai ma le faavae sa faatulaga mo augatupulaga. Faa ata mai ai ma le soifuaga itotonu o nuu sa soifua ma ola ane ai o tatou tagata ma le soifua finau aemaise lava I le taimi o le tele o faigata e tai pei o nei taimi ile koviti ua feagai ma le lalolagi.

Fai mai le tusitusiga e ui e lutia i faigata ae e iai lava le fagalele e mapu iai.Atonu o se faamalosi talafeagai foi lea mo taimi faapenei, e ui ina feagai pea ma faigata ae iai lava le taimi e maua ai le mapusaga.