Ua faamaonia mai e 6,152 isi tagata ua faamaonia le aafia i le Koviti-19 i Niu Sila nei e pei ona tuuina mai i le lipoti a le matagaluega o le soifua mālōlōina. E 663 gasegase o le koviti o loo taofia pea i maota gasegase e aofia ai ma le to’a 14 o loo i potu tigaina.
Ua faailoa foi e le matagaluega e 49 tagata maliliu e iai sootaga i le koviti ma e to’a 23 le itupa o tamaitai ma le to’a 26 le itupa o alii.
O se feiloa’iga a tusitala ma le sui faatonu o le Public Health Agency, Andrew Old na ia ta’ua ai ua iai se faaitiitiga i le aofai o tagata e aafia i le faama’i e pei ona amata mata’ituina mai i le vaiaso talu ai aemaise foi o le aofai o tagata matutua e silia ma le ta’i 65 tausaga o loo aafia I le faama’i.
