E maualuluga totogi toe tele isi faamanuiaga maua fua o loo ofo mai e Ausetalia mo faiaoga i Aoga Amata i Niu Sila nei.
E oo atu i le $150,000 totogi i le tausaga, fale, pasese e malaga atu ai i Ausetalia ma le oo atu i le $50,000 tupe e tapena atu ai lea o loo i totonu o le afifi mo faiaoga i Aoga Amata e fia agai i Ausetalia e galulue ma nonofo ai.
I se lipoti a le Stuff o loo toe molimau ai nisi o faiaoga ua faamautu nei i Perth i Ausetalia ma o lea ua taumafai e fesootai mai i faiaoga Niu Sila i luga o le Facebook e faatatau i le tele o avanoa.
Ae molimau se tasi o agency o loo sailia galuega a tagata i Aukilani, ua molimauina le toatele o faiaoga Kiwi ua agai i Ausetalia pe o loo faasauni foi.
E iai nisi o avanoa o loo faasalalau o loo sau ai le na o le $50 e totogi mo le rent i le vaiaso.
Fai mai ai le iuni o loo tu mo faiaoga i Niu Sila nei, e lē fesiligia o le isi lea mafuaaga o le toaitiiti o faiaoga i Niu Sila.
Puna o Faamatalaga: ECE teachers lured to Aus for $150k pa, free rent, flights, bills paid | Stuff
