Ona o le toatele o tagata Aukilani o loo agai I le maota gasegase I Middlemore, ua faia ai ma le faaiuga o le ofoina mai o siaki faia fua I falemai I tua
Ua mafai nei e tagata o loo nonofo I saute ma sasae o Aukilani ona vaai le fomai e aunoa ma se totogi
O le po anapo na faailoa mai ai e le Counties Manukau Health e oo atu I le 16 falemai poo clinics o le a mafai ona agai iai e aunoa ma se totogi, ma o se faaiuga ua faia I le maea ai o le 10 aso o pisi ma faatumulia le falemai I Middlemore I gasegase
Faailoa ai e Dr Vanessa Thornton o le vaega o le Emergency Department I le falemai I Middlemore pei ona ripotia e le Stuff, e oo atu I le 187 gasegase I le po ma o se fuainumera tele lea pe a faatusa I le va o le 95 ma le 120 e masani ai
Ao loma ai le Eseta ma le toe taliu mai o le toatele mai tafaoga I le vaiaso fou ua faia ai lea faaiuga seia fesoasoani ai I le toatele o I latou o loo gasolo I Middlemore
O nei siaki faia fua o le a agavaa ai tagata nofomau o loo lesitala pe asiasi foi I falemai o loo lavea I le lisi ua faamaonia, ma e faamuta I le Aso Gafua o le vaiaso fou, aso 5 o Aperila
