E lei telē se suiga i le tau o le maketi o fale i totonu o Niu Sila e pei ona faamauina i le faaiuga o le 2023, peitai e ono iai suiga i le tausaga fou lenei ua amatalia.
Ua faamauina e le Quotable Value House Price Index o lea ua alu uma Iava i luga le tau o fale i aai autu uma o le atunuu, peitai e lei telē e na o le 0.6% i totonu o le kuata mulimuli o le tausaga, e tusa lea e 2.3% ua pa’ū ai mai le masina o Novema.
O Rotorua ma Tauranga lea na faamauina o i laua nei na maualuga ai le alu i luga o le tau o fale, ae o aai tetele e iai Aukilani, Ueligitone ma Kalaiesetete e lei oo i se 3%.
O New Plymouth e laititi ai lava le me’i i luga o le tau o ona fale, e pei ona iai e na o le 0.4%
Mai tagata o loo mataituina pea le maketi o fale i totonu o le atunuu, atonu o lea e lei telē se suiga ia Tesema ona o loo faatali nisi se’i uma atu le tau mafanafana faatoa tuu lea o fale i luga o le maketi e faatau.
O ni matematega e tali uma i le masina lenei o Ianuari pe ono alu ai lava faapea pe leai.
