Ua uma le recount poo le toe faitauina o palota a itumalo o Tamaki Makaurau ma Mt Albert, ma e ui e iai suiga i fuainumera ae lē o suia ai faipule.
O le faasilasilaga aloaia lea na faailoa mai e le faamasinoga faaitumalo ananafi.
O loo faatumauina pea Helen White mo Mt Albert, ma e na o le lua palota toesea na toe maua i le toe faitauga faatolu.
O le isi itumalo o Tamaki Makaurau, lea o loo faatumauina ai pea Takutai Tarsh Kemp, ma e 42 ua alu ai i luga le vote margin.
O le itumalo lenei a Tamaki Makaurau na mua ai i luma le vaa o Peeni Henare i le faitauga muamua poo lē sa faipule i le paeaiga faatoa uma atu i lalo o pulega a le Labour, peitai i le mae’a faitau o palota faapitoa ma toe faitau faalua, na tu mai ai loa Kemp i le na o le 4 palota silia.
Ae i le isi itumalo e tolu iai itumalo na toe faatalosaga recount, o lea lava foi o loo faatumauina Rachel Boyack i le nofoa o Nelson.
Ua faamae’a aloaia ai ma le toe faitauina o palota o le faigapalota tele a Niu Sila o lenei tausaga, ma e lē o iai se suiga i sui faipule ua pale mai.
