Ua lapataia se ulugalii i Sini e le North Sydney Council afai ae toe faatino le la gaioiga na faia o le toso o le cable i luga o le auala savali ae fafaga ai le la taavale eletise, electric vehicle, o le a faasala loa e totogi le $330 o le faasalaga.
Fai mai le 9News sa manatu i laua ia o loo sa’o le la gaioiga na faatino peitai ua faailoa iai e le Council e lē faatagaina ona tatoso ni uaea eletise i nofoaga faitele ona o popolega i le saogalemu o tagata.
Fai mai le mau a le toalua lea sa manatu foi ua fesoasoani i le siosiomaga ina ua faatau le la Tesla lea peitai e foliga e tele atu foi ona lu’itau.
Puna o Faamatalaga: https://9now.nine.com.au/a-current-affair/sydney-couple-threatened-with-council-fine-for-using-ev-charger-cable-on-public-footpath/3f40f829-b1e1-4ed9-9f4d-a423b67d048b
