Ua oo mai se lapata’iga i tagata e aumau i Niu Sa Uelese ina ia sauniuni pea mo le afā o Alfred i le vaiaso nei a o mata’itū pea e le vaaitau uiga o le afā i gataifale o Kuiniselani.
O loo iai nei i le malosi o le Vaega 2 ma o loo faamauina i le tusa ma le 410 kilomita i le itu i Matu i Sasae o Maroochydore i le Sunshine Coast i le taeao analeila.
Fai mai le vaaitau e lē masani ai le tulaga e pei ona vaaia nei ma o le mafua’aga lea ua faia ai ma lapata’iga i tagata i Niu Sa Uelese e ui e lē masani ai ona lapata’ia i afā.
O faaitu o loo ta’ua e ono tele iai se aafiaga pe a agi lea afā o pitonuu e pei o le Coffs Harbour aga’i i Lismore ma gataifale o Kuiniselani ae ua lapata’ia pea le lautele o Niu Sa Uelese.
O loo lipotia foi timuga o le a aafia ai le setete i le aga’i atu i le faai’uga o le vaiaso.
Puna o Faamatalaga: https://www.abc.net.au/news/2025-03-03/tropical-cyclone-alfred-landfall-thursday-live-updates/105002038
