O loo matuai lagolagoina e le Komiti Pasefika le toe aumai o isi tagata Pasefika faigaluega faavaitaimi, atoa ai la ma la latou talosaga ia lelei atoatoa meafaigaluega e faaaogaina e I latou nei mo le saogalemu
Ua saunoa Caroline Mareko o le Komiti Pasefika, poo le siufofoga mo tagata faigaluega mai le Pasefika I Aotearoa, o le totogiina atu o le living wage e $22.10 I le itula ma le toe tatala ole avanoa e aumaia ai le isi 2000 tagata faigaluega faavaitaimi o se tala fiafia tele, ona o le a fesoasoani tele lea I le atinaeina o aiga ma atunuu o loo faatali mai, aemaise lava I taimi lenei o le tele o le aafiaga o tupe maua mai turisi I le Pasefika
Ae I lea tala fiafia, ua talosaga ai ma Mareko, e tatau I pulega o falefaigaluega o loo aumaia tagata faigaluega ona mautinoa o loo lelei ma mafanafama fale e nonofo ai, atoa ai ma le mautinoa e malamalama fesootaiga e ala I le faaliliuina o faamatalaga tau I le soifua maloloina ma le saogalemu
Faamaonia mai ai foi e le sui i tala a le leitio NZ o loo tutu malosi le Komiti Pasefika e faaofi atu lea faaopoopoga I le suiga ua sau nei Ese mai fale ma le malamalama o le gagana, e le mana’o le Komiti Pasefika e totogiina e tagata faigaluega tau mo le faaaogaina o PPE, poo meafaigaluega mo le puipuiga o tagata faigaluega
