O loo iai se kulupu o loo tetee i le faai’uga a Donald Trump ua faia e faataga ai le fagotaina faapisinisi o vaega o le Mariana Trench Marine National Monument.
Fai mai na sainia e Trump lea poloa’iga i le aso 11 o le masina nei, lona uiga la ua matala ai ogasami puipuia e lata i Hawaii, Amerika Samoa ma Northern Marianas e faatino ai ia ituaiga faigāfaiva faapea faiga faapisinisi.
E manatu Trump e lē o iai se tulaga lamatia o ia vaega mai ituaiga faigāfaiva faapisinisi o le a faia ai.
I se pepa o faamatalaga ua ta’ua ai e le kulupu lea, Friends of the Mariana Trench, o ia tulaga e faamata’uina ai komiuniti Pasefika aemaise a latou aganuu mai le ituaiga fagotaga lea.
Ua faailoa le lē fiafia o lea kulupu i le faai’uga ua faia ina ua toe foi ane i fanua sui na aga’i atu i le konekeresi a Amerika mo e sainiga o lea poloa’iga.
Puna o Faamatalaga: https://www.rnz.co.nz/news/pacific/598186/trump-s-fishing-decision-threatens-pacific-communities-ngo-warns
