Ua iai nei foi se maliega i le va o le United Kingdom ma Iapani lea ua faailoa e le Palemia o Peretania o Kier Starmer, o le a fausia ai se isi vaitau o le galulue faatasi i le va o atunuu e lua.
Fai mai le BBC o le a faaalu e kamupani Iapani le silia i le 9 piliona pauni i le faaleleia o si’omaga o le United Kingdom atoa ai ma auaunaga tau tupe ma o le a maua ai le tele o galuega e lē taumate o le a fesoasoani tele i le tulaga faigatā o loo iai le tamaoaiga o lea atunuu.
Sa faia le feiloa’iga a Starmer ma le Palemia o Iapani o Sanae Takaichi faatasi ai ma ta’ita’i o pisinisi i Downing Street ma ta’ua ai le tulaga lelei o ia talanoaga.
Ta’ua e le BBC e manatu le IMF poo le International Monetary Fund e toe sao mai le UK mai tulaga faaletonu o iai nei le tamaoaiga ma o le a avea o se tasi o atunuu e aupito alu i luma le taumafai tau le tamaoaiga pe a oo atu i le tausaga fou.
Puna o Faamatalaga: https://www.bbc.com/news/articles/cx2kjwgwxwlo
