Ua oo atu nei i le silia i le 28 miliona le faitau aofa’i o tagata i totonu o Ausetalia e pei ona faamaonia mai e le ofisa o fuainumera faamauina a le atunuu.
O le lata i le 6 i le taeao analeila na faamaonia ai lea tulaga, o lona uiga a fua i faamaumauga e ta’i 75 sekone ma iai se tagata sitiseni i Ausetalia.
O le faitau aofa’i lea pe a tuufaatasi faamaumauga o i latou e fananau mai ma tagata e taunuu mai i le atunuu.
O le lua tausaga talu ai sa faamauina ai i le 27 miliona le faitau aofa’i ma ua fuafuaina e le ofisa, afai e faaauau pea le tulaga o loo iai nei le malaga mai o tagata ma pepe e fananau mai, e oo atu i se taimi o le 2031 ua oo le faitau aofa’i o tagata i le 30 miliona.
O loo maumaua’i pea le finagalo o le Minisita o le Home Affairs, Tony Burke e tāua tagata malaga mai i le tamaoaiga o Ausetalia.
Puna o Faamatalaga: https://www.nine.com.au/australia-news/australia-population-hits-28-million-migration-20260602-p60308.html
