Ua faailoa mai e le militeli a Isaraelu ua faia a latou osofa’iga i le eleele i Gaza ma ua maua ai se tasi o vaega autū i lea teritori.

O le osofa’iga na faia ua solia ai le maliega mo le taofia o vevesi i Gaza ma sa tuua’ia foi e Isaraelu le Hamas i le faaauau pea ona mumusu e faamatuu ane pagota o le taua, ma le teena o ofo mai mediators poo i latou o loo taumafaia se filemu o lea mataupu.

Fai mai le vaega o le puipuiga a Isaraelu o ana vaega’au na faatino a latou gaioiga i nofoaga ua taula’i iai osofa’iga i le ogatotonu ma le itu i Saute o le Gaza Strip.

A itiiti mai pe to’a 70 tagata na maliliu ai i osofa’iga ia a Isaraelu, ua feta’ua’ina foi le ono iai o se oge i Gaza ona ua savalia le tolu vaiaso o poloka pea fesoasoani mai le toe aveina atu i Gaza.

Ua saunoa le Minisita o le Puipuiga a Isaraelu o le a totogi lava e tagata i Gaza le tau pe afai e lē faamatuu ane e le Hamas pagota Isaraelu o loo latou taofia.

Puna o Faamatalaga: https://edition.cnn.com/2025/03/19/middleeast/israel-ground-offensive-renewed-war-gaza-intl/index.html