E 22 tausaga o se alii e fiafia i le taaloga o le lakapi na tulai i le faamasinoga i Beenleigh i Brisbane ma ioeina ai moliaga e uiga i ni faamatalaga sa faia i se match official ma lona toalua e mafua mai i le taaloga a Samoa ma Egelani i le tausaga talu ai i le Ipu o le Lalolagi.
Na faailoa e le faamasino i lea alii e leai se tagata laufali o se taaloga poo se match official i soo se taaloga lava e tatau ona oo i ia ituaiga tulaga aemaise lava pe a aafia ai ma nai o latou aiga.
Na faamauina e le faamasino e pei ona ta’ua i le lipoti a le 9News sa faasuaava le alii lea i le taimi na ia faatino ai ia faamatalaga ma ua salamō foi i ana gaioiga na faia.
O lea alii na soifua ane i Niu Sila ae ua aumau i Brisbane, ua tuuina iai se faasalaga, good behaviour bond e totogi.
Na faia moliaga ia ina ua faia le faaiuga a i latou o loo feagai ma le Ipu o le Lalolagi ina ia mataitu le social media ma accounts a laufali ma tama taaalo, faailoa ai se finagalo o le ofisa sili o le World Rugby Alan Gilpin o loo faagasolo pea suesuega i Niu Sila ma Farani faapea Aferika i Saute i mataupu faapea ma e tāua ia i latou puipuiga mo tama taaalo faapea foi laufali o le taaloga.
Puna o Faamatalaga: https://9now.nine.com.au/a-current-affair/online-troll-faces-court-after-rugby-referee-receives-torrent-of-abuse/4966ffd9-89ae-4aaa-aab3-aece7653a38c
