E silia i le 2 afe fuimu i Iapani ua aga’i atu e tapē le afi aupito telē i le togavao i Iapani.
Fai mai le BBC e to’atasi le tagata ua maliu mai lea afi ma ua silia i le 5,200 eka o fanua ua faaleagaina ai i le itu i Matu o Iapani i le aai o Ofunato talu mai le vaiaso na te’a nei.
Fai mai pe ā ma le 4,600 tagata o loo iai nei i lalo o poloa’iga a le malo ina ia aveesea lē tumau mai o latou fale a o faaauau pea le sasao a le afi.
O nisi e silia i le 2 afe ua aga’i ese atu e aumau ma aiga i nofoaga saogalemu.
E silia ma le 80 fale ua ta’ua ua faaleagaina i le afi ma o le tausaga na te’a nei le tausaga aupito vevela mo Iapani.
O le vaega tonu o loo mu o se togavao i le Iwate Prefecture o le togavao aupito tele lea i Iapani ma e to’aitiiti tagata e aumau ai.
Puna o Faamatalaga: https://www.google.com/amp/s/www.bbc.com/news/articles/c89ypkq72d0o.amp
