Ua saunoa le Palemia o Fiti, Sitiveni Rabuka o le tulaga o loo malamalama iai o tagata Fiti e iai tupu’aga Initia, o tagata Fiti moni lava.
Ua faailoa i le lipoti a le RNZ e ui o Fiti o se vaega o le Pasefika peitai o Indo Fijians e lē o ta’ua o ni Pasefika i Niu Sila ae o loo lisi i lalo o tagata Initia ma Asia e pei ona faamauina i le upega tafa’ilagi a le Stats NZ.
O loo lipotia o le tulaga lava lea na sau ai talu mai le 2005 ma ua faailoa foi e le Stats NZ o Initia Fiti o loo faatulaga i lalo o tagata Asia, ma o loo tetee iai le komiuniti o tagata Initia Fiti i lea faatulagana ma ua toe laga le mataupu i se feiloa’iga a le komiuniti sa auai atu ai ma le Palemia i Aukilani i Magele a o lei faia le fonotaga a le CHOGM.
Ina ua fesiligia i sona finagalo i le mataupu lea sa faailoa ai e Rabuka o le mataupu lea e leai sana faamatalaga e fia faia iai ona o le faai’uga lava e mai le malo o Niu Sila ma lo latou faatulagaina o tagata ae talosia ia faatulaga pea o tagata Fiti.
Puna o Faamatalaga: https://www.rnz.co.nz/international/pacific-news/532551/indo-fijians-struggling-for-identity-in-aotearoa-voice-concerns-about-ethnicity-classification
