E le o faigofie I tagata Kiwi tala penisiona o loo poloka I Ausetalia le motusia o a latou tupe maua
E le o mautinoa I le taimi nei le fuainumera o tagata matutua tala penisiona ua motusia supa ona o lea ua pasi ma le 26 vaiaso talu ona I fafo ma le atunuu
O nisi ua silia ma le 30 vaiaso, ma ua popole I le toe foi mai iinei toe totogi le 6 masina o super na tala ma ua fesootai mai ai nisi ma taofi le maua pea o penisiona
O lea ua saunoa le minisita o le Koviti, Chris Hipkins e le o toe mamao maua se tala I le faaiuga a le malo I le taofia ai o le feoai saoloto a Niu Sila ma Ausetalia
Molimau le toatele I tala a le leitio a Niu Sila, ua oo mai lagona ua faatuatuanai e le malo ona tagata sitiseni o loo poloka I atunuu mamao
O nisi ua valaau mai I le tamaitai palemia, Jacinda Ardern e agalelei atu e ala I le totogi pea o a latou penisiona seia toe foi mai
Tali a le matagaluega o loo gafa ma penisiona a tagata matutua le Social Development, o loo faia lava foi lana galuega e tusa ma tulafono o loo mulimulitaia ma e iai lava le avanoa e mafai ai ona toe silasila I mataupu taitasi ma mafuaaga na le mafai ai ona toe foi mai
Ua sau ai ma tala o loo galulue le minisita o le Koviti faapea le minisita o le Social Development e talanoa le tulaga ua motusia ai peimeni a tagata matutua o loo I fafo ma le atunuu
