Ua feagai nei le faletupe tutotonu o Samoa, le matagaluega o tupe a le Malo, le faalapotopotoga o tupe teu faafaigaluega mai fafo, ma le fesoasoani o paaga a le Malo o Samoa mo galuega tau tupe i atunuu i fafo, e faia se sailiiliga poo se feasibility study, o loo iloilo ai ni talosaga mo ni avanoa e faatutū ai ma faagaioia i Samoa ni pisinisi e fesootai i tupe teu faafaigaluega ua ta’ua o le crypto-currency.
Ua faaalia i se finagalo faalauaitele o le Malo i le faaiuga o le vaiaso, o le autu o lea sailiiliga, e iloa ai pe iai pe leai, se tāua o ia ituaiga o pisinisi tau tupe mo Samoa.
Ua faailoa ai foi e le Malo, e leai se ioega ua faamatuu atu i se gaioiga ua faalauiloa ai i Hong Kong i Saina ni auaunaga tau pisinisi ua ta’ua o le Samoa Stock Exchange, Samoa Digital Asset Exchange and Oceania Special Economic Zone.
Ua taunuu ni talosaga mo ia taumafaiga tau pisinisi peitai o loo faia iai se iloiloga i le taimi nei, e aunoa ma se faaiuga ua faia.
Faaalia e le Malo e talia soo se taumafaiga tau pisinisi ma atina’e e manuia ai Samoa, peitai e muamua ona silasila i vaega uma o se talosaga poo talafeagai ma tulafono ma faiga faavae a o lei faia se faaiuga.
