E ono faaopoopo faigamalaga ua aafia a trains i Aukilani, a o amata ai le isi foi tetee i le asō.

O lea na amata mai i le Aso Toonai faato’ā uma atu ona lē toe taliaina e ave trains ma isi tagata o le aufaigaluega o loo i lalo o le iuni, galuega ovataimi poo nisi lava sifi faaopoopo e ese mai taimi faigaluega masani.

Peitai, a o faaauau ai pea lea tetee o lea ua sau foi le tala ua leai se taunuuga manuia o talanoaga a le CAF poo le kamupani o loo sapalaiina ma lipea trains e alu i le eletise a Aukilani ma le iuni a le Rail and Maritime Transport Unit, ma ua amata ai i le asō ona latou teena soo se galuega toe faaleleia mo trains.

Na pau lipea o le a talia e le pulega, o siaki faatulagaina mo trains ae mo nisi lava lipea pe faaleagaina faafuasei foi, e lē faia e le CAF.

O se faanoanoaga tele i le Auckland Transport e tusa ma lipoti a le 1News ona e moomia le mautinoa o loo saogalemu trains, ma afai nei ae teena galuega fia faaleleia o lona uiga pau le mea e oo iai, o le tutū o trains e lē mafai ona feoai.

Ua sau ai ma le tala e ono faaopoopo faigamalaga a trains ua faaleaogaina a Aukilani ona o tetee o loo faasolo nei.

Puna o Faamatalaga: More Auckland train cancellations ‘likely’ due to industrial action (1news.co.nz)