Ua molimau se faafeagaiga mai Niu Sila nei ile tulaga faigata o le vaai I nai tamaiti aemaise tamaitai o loo manaomia le fesoasoani I totonu o Ukraine e pei ona silafia e le toatele le tulaga o loo iai sia atunuu I le taimi nei.
O le faafeagaiga o Owen Pomana na ia faamatala ile Breakfast lona lagona o le vaivai peitai e luitauina o ia e fesoasoani I nai tagata Ukraine ia aveesea mai le atunuu ma ave agai atu I nofoaga saogalemu. Ole Great Commission Society lea e galulue ai le faafeagaiga ma isi,o I latou ia o loo fesoasoani ile aveeseina mai o tagata Ukraine mai aai e pei o Kharkiv, Chernihiv ma Mykolaiv e faaaoga ai pasi ma minivans.
Fai mai Pomana e manaomia ele Great Commission le fesoasoani aemaise o loo toe auina atu foi nisi vaegaau a Lusia I le itu I sasae o Ukraine.Fai mai le faafeagaiga e manaomia tele le nofo tatalo o tagata mo le laveaiina o nai tagata o loo fia maua le fesoasoani mae afai e mafai ona foai e lelei foi aemaise pe afai e mafai ona fesoasoani ile aveeseina mai o tagata ma auina atu I nofoaga saogalemu
