Ua mamafa i le aufaigaluega a le soifua mālōlōina le isi vāea lea foi ua toe faailoa mai.

Faailoa e le Public Service Association e lata i le 1,500 galuega o lea ua toe vaavaai le soifua mālōlōina e vāea, ma o totonu o lea aofa’i o loo iai le 700 e lē o galueina e nisi i le taimi nei.

O i latou uma nei o loo i totonu o le Data and Digital ma le National Public Health Services.

Ua lipotia e le leitio faavaomalo a Niu Sila e oo atu i le $99 miliona tupe e tatau ona faasao mai e le Data and Digital i totonu o le tausaga, ma o vāea ua toe ta’uta’u e faasao mai ai le $12.8 miliona.

Ae i se tali mai a le minisita o le soifua mālōlōina e tusa ma fuainumera ua faailoa mai e iuni, o loo toe tuua’ia ai e le minisita iuni e sese faamaumauga o loo latou toe faailoa.

Fai mai ai le sooupu a le Labour i le itu tau le soifua mālōlōina o ia foi sa avea ma minisita o le soifua mālōlōina i le paeaiga faato’ā uma atu, Ayesha Verrall, sa mafai lava ona faasao mai galuega ua ta’uta’u e vāea pe ana faapea e lelei ona faatupe e le malo auaunaga faalesoifua mālōlōina.

Puna o Faamatalaga: Te Whatu Ora staff ‘filled with anxiety’ over proposed job cuts | RNZ News