O lea ua amata fealuai le uluai pasi alu I le vai poo le hydrogen powered I totonu o Aukilani

O se tasi lenei o sitepu o fuafuaga a le pulega o femalagaiga a Aukilani ia oo atu I le tausaga e 2030 ua le toe feoai pasi o loo faaleagaina ai le siosiomaga ona o kasa oona

E lua tausaga ua trial pe faataitai ai lenei suiga fou mo pasi a Aukilani, lea o le a vaavaai ai I lona malosi faatusatusa I tupe faaalu, aemaise o le faatusatusa I pasi o loo faaaogaina ai le tiso I le taimi nei

Tala a le TV1 o loo molimau ai nisi o le pasese feoai I le vaiaso nei e le lagona se leo faatusa I pasi masani

O lea ua fealuai I le va o le taulaga faatau a Botany agai atu I le taulaga I Britomart e uia ai Panmure ma o se laasaga ua talia ma le fiafia e le pulenuu o Aukilani, Phil Goff ma lana saunoaga e taugofie atu toe lelei mo le siosiomaga

O le pasi lenei alu I le kasa hydrogen na fausia lava e le Global Bus Ventures I Kalaiesetete I totonu o le tausaga, ma e $1.175 miliona lona tau atoa