Fai mai le aufaifaatoaga afai ae le vave taunuu mai tagata faigaluega, o le a maumau uma le tele o fua o faatoaga.Ise faatalanoaga a le Newstalk ZB ma nisi o le au fai faatoaga ua o latou taua ai lea tulaga ao faasolo pea ina itiiti le taimi o totoe mo le faasaoina o se vaaega tele o fua o faatoaga mai le maumau.
E lua vaiaso lea o loo talitalia ai le folafolaga a le malo na faia ia Tesema e faatataua ise fesoasoani mo le mataupu lea e faataga mai ai tagata faigaluega pe a ma le 200 o tagata e iai tomai ile faagaioiina o masini e faaaoga I faatoaga. Fai mai le faatonu o le Blue Glass Contracting sa feagai foi ma le faafitauli lea i tausaga ua tuanai.
Ina ua fesiligia e le ZB I auaunaga e pei o galuega faavaitaimi pe maua ai seisi fesoasoani, na taua e le faatonu Brook Nettleton e fia ofoina le auaunaga ia I latou i galuega faapea peitai e manaomia foi ona faia muamua aoaoga ma toleniga mo le faia o le galuega ma Ia maua muamua le tomai e faatino ai le galuega.
