E na o le 17 tausaga o se talavou na aveina atu i le falemai ina ua fana e le tagata a o moe i lo latou fale i Melepone i le po anapo.

E valaau ane ai leoleo i le faalavelave lea i Endeavour Hills poo le tea o le 1 i le vaveao analeila.

E talitonu le ausuesue a leoleo o le tagata na faataunuuina lea gaioiga sa ia tafanaina mai le fale mai luga o le auala poo le auala savali foi e agai ane i le fale ma aafia ai ma le talavou lea a o moe.

Sa iai nisi o lona aiga i le fale i le taimi lea ae lei afaina ma ua talosaga leoleo i nisi e silafia ni faamatalaga i le faalavelave lea ina ia fesoootai ane.