O loo iai se sauniga ua faia i le Palemene i le asō e faamanatu ai le 50 tausaga o le petition e faatatau i le gagana maoli sa tuuina atu i faipule ma o se petition ua valaau ai ina ia amanaia i le aunuu atoa le Te Reo Maori ma ia aoaoina le gagana i aoga.
O le talosaga poo le petition na tuuina aloaia i le Palemene i le asō 14 o Setema i le 1972 ma sa tauaaoina e sui o le Nga Tamatoa ma le Te Ropu Reo Maori, le Te Reo Maori Society.
Na sainia e le silia ma le 30 afe o tagata ma o se taimi taua mo le toe faaolaolaina o le gagana. I se taimi mulimuli ane i le tausaga lava lea 1972 na faia ai loa le uluai Maori Language Day ma faalautele ai i le vaiaso atoa i le tausaga 1975.
E iai nisi vaega o le faamanatuina o lenei faamoemoe taua o loo faia foi i isi vaega o le atunuu e aofia ai se faaaliga tele, exhibition ua tuufaatasia e mafai ona auai ai tagata e aunoa ma se totogi.
