Ua faailoa mai nei e le faalapotopotoga o le International Monetary Fund le solomuli ai i tua o le tulaga i le tupu ma le ola o tamaoaiga i le Pasefika, talu ai le faatupula’ia o aafiaga ua iai nei feteena’iga o itu tau fefaataua’iga, e pei ona fālō ai pea finauga i lafoga totogi mo oloa e auina atu i totonu o atunuu e pei ona laualuga ai nei faiga a Donald Trump ma lona malo i Amerika.
Ua valoia e le faalapotopotoga o le IMF le pa’ū maualalo o le faatuai ona tupu o le tamaoaiga o le Pasefika poo le GDP, mai le 3.6% sa iai i le tausaga 2024 i le 3.1% i le tausaga 2025. Ma faaauau ai le faaitiitia i le 2.7% i le tausaga 2026.
Faamauina o Samoa le atunuu o le a vaaia le telē o le aafiaga o le a iai, ta’ua o le pa’ū mai le 9.4% i le 2.6 % i le tausaga fou.
O Fiti ma nisi o atunuu o loo māua le faalagolago tele i turisi ma tagata tafafao atu, o le a pa’ū foi pasene o le siitia ai o le tamaoaiga.
Ae o loo faamauina le siitia o le tulaga e aga’i ai le tamaoaiga o le malo o Papua Niu Kini ona o le siitia maualuga o le gaosiga o le auro i le atunuu.
Ua lipotia foi le maitauina ai e le IMF o le faaauauina ai ona feagai atunuu laiti nei ma aafiaga o tamaoaiga, ona o feteena’iga o loo tula’i mai o le a vaaia ai le lilifa o le tele o atunuu ia Saina mo fefaataua’iga i le Pasefika i tausaga o lumana’i.
Puna o Faamatalaga: https://www.rnz.co.nz/international/pacific-news/560167/pacific-economies-set-to-slow-amid-trade-global-tensions-imf
