Na tuusa’o saunoaga a le Palemia o Niu Sila Christopher Luxon i puleganuu, ua tatau ona toe vaai lelei mea o faaalu iai tupe.

O le lauga lea a le Palemia i le koneferenisi faaletauga a le Local Government NZ i Ueligitone a o tulai ai i totonu o le fale tele a le Takina Convention Centre lea na tele tupe na faaalu ai ma o lea lava foi na ia faaaogāina o se faata’ita’iga.

E lei ‘alo le finagalo o le Palemia e na te lē lagolagoina le faaalu e le puleganuu a Ueligitone o le $180 miliona mo lea convention centre i le taimi o loo pagatia ai Ueligitone i ogapaipa ua moomia le faalelei faapea le tele o aseta tau i le suavai.

Na ta’ua e le Palemia e aulelei le fale, peitai o le fesili o se faai’uga sa’o lea e ave iai le faamuamua i le taimi o loo pagatia ai Ueligitone?

Ua faamautinoa mai ai foi e Luxon o lea ua ioe le Kapeneta o le a suesue le faaofi mai o ta’iala e fua iai le maualuga e gata ai tupe faaalu a puleganuu.

Ua lipotia e lei talia gofie e Councillors na iai ananafi saunoaga a le Palemia.

Puna o Faamatalaga: Local councils need to ‘rein in the fantasies’ on spending – PM (1news.co.nz)