Ua faailoa e leoleo i le mae’a o ni osofa’iga na sa’ilia ai nakoti poo fuālaau faasāina, ata ma faamatalaga o tagata e to’asefululua e aofia ai se teine talavou e 22 tausaga le matua.
Ua faailoa e leoleo o i latou na taofia mai i ia osofa’iga ua molia i solitulafono o le umia o fuālaau faasāina e aofia ai le ‘aisa ma maruana, faapea le maua foi o latou umia ututau o laaumalosi ma meafaitino e fesoota’i i le faaaogā o fuālaau faasāina.
O le a tūtūla’i uma i latou e to’asefululua i le faamasinoga mo le valaauga muamua i se taimi e lē o toe mamao ae o loo taofia i le vaaiga a leoleo.
O le matutua o i latou o loo aafia i ia solitulafono e i le va o le 51 ma le 19 tausaga le matutua.
