Ua lipotia le avanoa nei o le auaunaga a le Foxtel mo le fia faatauina atu.

O le faamatalaga mai le Ofisa Sili o le News Corp, Robert Thomson ua faatino lea tulaga i le mae’a faalauiloa o le i’uga o tupe maua a le kamupani i le tausaga.

Sa faalauiloa foi e le kamupani sa faatino sa latou iloiloga i aseta na iai a le kamupani mai le tausaga talu ai.

O le NewsCorp na te umia le 65 pasene o le Foxtel ma le Telstra e umia le 35 pasene.

O le Foxtel na te umia auaunaga e pei o le Kayo ma le Binge ma o lipoti mai le tausaga ua tuana’i ua ta’ua ai o le toatele o aiga Ausetalia ua faamuta subscriptions i auaunaga e pei o le Foxtel ae toe foi i TV ma auaunaga e maua fua pe taugofie foi.

Puna o Faamatalaga: https://www.abc.net.au/news/2024-08-09/news-corp-is-looking-to-sell-off-foxtel/104203940