O le tolu o taaloga ua faasala ai Samu Kerevi e mālōlō ai ona o lana pu’e i le taaloga talu ai ma Wales i Cardiff e lē taumate ua matala ai foi ma se avanoa mo le alii talavou o Joseph Suaalii i le taaloga o le a sosoo ai a le Wallabies ma Sikotilani.
O le vaiaso nei ua faailoa mai ai le faasalaga lea o Kerevi o lona uiga ua mae’a ai foi ma lana malaga taamilo i Peretania ona o le a misia uma taaloga o loo totoe.
E lē taumate o Suaalii lea o le a toe foi ane e amata i le tulaga o le Centre e ui o loo iai foi le isi aualii o Hamish Stewart ma Josh Flook.
O loo faatalia se lisi filifilia a le faia’oga Joe Schmidt mo lana ‘au o le a faafetauia Sikotilani.
Puna o Faamatalaga: https://www.abc.net.au/news/2024-11-21/wallabies-samu-kerevi-ban-joseph-aukuso-suaalii/104627022
