E toatasi lava ua faamanuiaina i le faailoga muamua o le Powerball i le po anapo ae fai mai le ofisa o le taaloga o le Lotto ailoga ua iloa e lea tagata o ia lea ua mauaina le 100 miliona.
Ta’ua i lipoti i le taeao analeila o le pepa malo sa faatauina i Kuiniselani ae e lei oo atu se tasi ma le pepa malo.
O se tasi lenei o faailoga tele o le taaloga ua faamauina ae o le pepa ua malo e lē o lesitalaina ma sa faatau i le itu i Matu o Brisbane ma e lē o se syndicate foi.
Fai mai le sooupu a le Lotto o lea tagata ua alafai mai i le taeao analeila ua avea o le isi milionea i le atunuu ae ailoga ua iloaina i lenei taimi.
Ana faapea o se tagata taalo ua lesitala online e faigofie ona iloa faamaumauga ma faafesoota’ia e le ofisa peitai e leai, o lona uiga o le faatalitali lava se’i alu atu i le ofisa ma lana pepa malo e koleti lana 100 miliona.
Puna o Faamatalaga: https://www.9news.com.au/national/powerball-tonight-the-lott-100-million-lotto-draw-numbers/b72d1217-a5ec-4668-947a-b7e248fedd68
