Ua amata le vaiaso muamua o Tesema i tapenaga a le tatou aulakapi ta’ito’afitu a le Manu Samoa ma le Manusina i laueleele o le atunuu o Solomona mo le taamilosaga a atunuu o le osenia poo le Oceania i le faai’uga o le vaiaso nei.
O le Aso Sa muamua o lenei masina na taunuu manuia ai i Solomona aulakapi ta’ito’afitu a le atunuu mo lea taamilosaga, lea o le a toe sa’ili ai se avanoa o Samoa i le taamilosaga lakapi fitu tele a le lalolagi lea ua tatou pa’ū mai ai.
O le ‘au filifilia mo le auta’ito’afitu a le Manu Samoa e to’afā tama o le taimi muamua lea ua ofi atu ai i le tatou ‘au e pei o Lavanta Stowers mai le kalapu lakapi a le Laumua o Tumua ae mai afio’aga o Malaela ma Tafagamanu, o Taualai Panoa mai le kalapu o le Tamauli ae mai afio’aga o Safotu ma Satupaitea, o le isi o tama fou mai le kalapu lava a le Tamauli o Tainano Enekosi mai afio’aga o Salelavalu ma Vaiafai, ma Tusifatu Toilolo mai le kalapu lakapi o le Tepatasi ae mai afio’aga o Malaela ma Lotopu’e i Aleipata.
O le to’asefululua o le au filifilia ta’ito’afitu a le Manu Samoa o:
1 Motu OPETAI
2 Enosa AFEMAI
3 Jeff LEVY
4 Lavanta STOWERS* Laumua o Tumua Malaela & Tafagamanu
5 Siaosi ASOFOLAU ©
6 Taualai PANOA*
7 Pelasio SAMUELU
8 Tainano ENEKOSI*
9 Faafoi FALANIKO
10 Tusitafu TOILOLO*
11 Vaovasa AFA SU’A
12 Owen NIUE
PULEGA
1 Matamua Upati Junior SALIMA HEAD COACH
2 Su’a Hesed Ieremia TEAM MANAGER
3 Apollos PARAMORE PHYSIOTHERAPIST
O le tatou aulakapi fitu a tamaitai le Manusina e to’alua tamaitai fou ua filifilia iai, o i la’ua ia o Manaia Rose Afuie mai le kalapu o le Sunnybank i Ausetalia ae mai afio’aga o Falefa ma Luatuanuu ma le tamaitai o Drenna Falaniko mai le kalapu a Petone RFC i Niu Sila ae mai le afio’aga o Tafitoala.
O le ‘au a le Manusina ua filifilia mo le taamilosaga lakapi fitu a le Oceania o:
1 Manaia-Rose AFUIE* – Sunnybank, Australia – Falefa & Luatuanuu
2 Lutia COL AUMUA – No Idea – Salani & Matatufu
3 Jasmine ESEKIA – Apia Maroons – Satapuala
4 Drenna FALANIKO* – Petone RFC, New Zealand – Tafitoala
5 Linda FIAFIA – No Idea – Magiagi & Salelologa
6 Leutu IEFATA SUAESI – No Idea – Siumu & Saoluafata
7 Araisa ISAMAELI FETAIAI – No Idea – Saanapu & Safata
8 Siluando LAFAI – No Idea – Magiagi
9 Saelua LEAULA – No Idea – Siusega & Salamumu
10 Maria Ereinei NIKOLAO – Savaii Queens – Fagaloa & Puapua
11 Fogamanono TUSIGA – Striders – Falelatai & Fasitoo-uta
12 Fofoga VAA – No Idea – Magiagi & Salelologa
PULEGA
1 Filoi ENELIKO – HEAD COACH – Lepea & Vaimoso
2 Mataafa Ramsey TOMOKINO – TEAM MANAGER – Satupaitea & Sapapalii
3 Taimalelagi Elvera LAM – PHYSIOTHERAPIST – Vailoa, Palauli & Tuanai
