E le tatau ona toe faanofoesea I Aukilani tagata faimalaga mai atunuu o loo malosi ai le pepesi o le vairusi fou o le Koviti
O se tasi o suiga ua faatalosagaina e tagata suesue faapitoa o le soifua maloloina
I ripoti a le Newshub o loo sau ai le talosaga a I latou nei, e tatau ona auina atu nei tagata e faanofoese I isi vaega o Niu Sila o laititi le fuainumera o tagata o aumau ai, ona a toe tomanatu I le lockdown na ui ai Aukilani ia Aukuso o le tausaga talu ai e ui na manuia tapu na toe faamalosia, ae tele miliona ua gau ai ma atili afaina ai le tamaoaiga
O le finagalo o Dr Nick Wilson, mai le Iunivesite o Otago, atonu o faletalimalo ma fale o faanofoesea ai tagata mai I fafo I Aukilani e aoga lea mo pasese mai atunuu o loo maualalalo fuainumera o e aafia I le Koviti, faapei o Ausetalia
Ua faatalosaga foi le alii suesue I le tatau ona faamalosia le nonofo I totonu o potu mo le vaiaso muamua e aunoa ma le nonofo faatasi ma isi, aemaise o le taumafai o le malo e faatelevave ona aumai tui puipui o le Koviti ae le I oo ia Aperila O nisi o molimau a tagata suesue I lenei lava ripoti o loo lagolagoina ai le talosaga a le taitai o le National, Judith Collins, ua tatau ona taofia faigamalaga mai atunuu o loo malosi ai le vairusi fou o le Koviti, e pei ona sa o tatou faia foi ia Saina I le amata sau ai o le Koviti I le amataga o le 2020
