Ua tapuni e le puleganuu a Whanganui le nofoaga sa faamautu fua ai tagata e leai ni fale, e mafua i le tele o vevesi.
O lea ua faatonuina e le puleganuu i latou nei e paka a latou campervans, taavale ma fale’ie o loo nonofo ai i Taupo Quay e tatau ona oo atu i le Aso Gafua o le vaiaso a sau ua leai.
O se faai’uga foi o lea na mua’i tusi iai le puleganuu i le vaiaso ua alu.
E faamaonia mai lipoti o le tele o le vevesi ma le lē fia gaua’i o tagata nei e nonofo i lea nofoaga i le Whanganui People’s Centre, le mafuaaga ua oo ai i lea faai’uga.
O le toatele o tagata o loo nonofo i lea nofoaga o tagata matutua pe ā ma le ta’i 60 tausaga.
E oo mai ananafi e iai isi ua usitaia le faai’euga ma tuua lea nofoaga, ae o isi o loo iai pea ma e lē o fiafia i le puleganuu ona e pei ua lē amana’ia tagata nei e leai ni fale.
Puna o Faamatalaga: Whanganui homeless hub closes as council cracks down | Stuff
