E 37 tausaga le matua o le alii o lea ua taofia e leoleo e fesoota’i ma le tamaitai lea na tatui (tulou) i luga o le pasi i le Aso Lulu i Onehunga i Aukilani.
O le taeao ananafi na faasalalau ai e leoleo le ata o lea alii, peitai e oo ane i le afiafi ua toe sau lipoti o lea na alu lava ia i le ofisa leoleo i North Shore.
O lē ua ma’umau ai lona soifua i lenei osofa’iga o lea sa nonofo faatasi ma lē ua taofia nei i luga o le pasi 74, ma fai mai leoleo e talitonu e lē masani.
Ona o le tugā tele o manu’aga o lē ua aafia, na maliu ai lava i lea nofoaga.
O lē ua taofia ua faamaonia mai foi e leoleo o se tasi latou te iloa.
A o faaauau ai su’esu’ega a leoleo, ae na ta’ua mai e le Auckland Transport o lea foi ua faaopoopo sui o lana aufaigaluega i auala ma fale faatali pasi lea na uia e le pasi 74 i le Aso Lulu.
Puna o Faamatalaga: Auckland bus stabbing: Man hands himself in to police
