E manatu le minisita sa faaulu iai le tali ane a le Malo i le su’esu’ega sa faia i sauāga na faia ia i latou sa tausia i nofoaga eseese i Niu Sila, Abuse in Care, le tamaitai o Erica Standford ua manino le faaletonu o le Crown i le mataupu lea i le faitau afe o tagata Niu Sila, ma sa tatau ona sili atu se tulaga e iai.
O le lipoti lata mai o le mataupu lea ua faailoa ai ua taliaina e le Malo le i’uga o le su’esu’ega lea sa feagai ma le Royal Commission ma faalauiloa aloa’ia i le masina o Iulai.
Sa faailoa ai tulaga e maofa ai le to’atele i sauāga na faia i ē sa faatalanoaina mai le va o le 1950 – 2019, o se tulaga faalumaina mo le atunuu.
Pe ā ma le 655 afe tamaiti, tagata talavou na sauāina a o iai i nofoaga na tausia ai i totonu o le piliota e pei ona ta’ua, ae o le fuainumera sa’o e lē mafai ona faamautūina ona o nisi faamaumauga ua faaleagaina ma leiloloa.
Faailoa e le minisita talu ona faailoa le i’uga o le su’esu’ega lenei ia Iulai, ua iai fesoasoani tau tupe ua mafai ona tuuina atu i nisi o nai tagata talavou na aafia aemaise i latou e gasegase.
O le aso 12 o Novema lea ua faatulaga e faia ai se faatoesega aloa’ia ma faalauaitele a le Palemia o Niu Sila ia i latou uma na aafia i nei sauāga.
Puna o Faamatalaga: https://www.nzherald.co.nz/nz/politics/royal-commission-of-inquiry-into-abuse-in-care-government-broadly-accepts-findings-of-landmark-report/4HKPGRMU3VCDTJXCYQGHDF6IF4/
