O pa pupuni sa iai mo le faasoaina o faiga tau le puipuiga e faaaogā ai faiga faatekonolosi, ua aveesea e paaga a le AUKUS o Ausetalia, Amerika ma Peretania ma o se tulaga lelei tele mo lea sootaga aemaise mo Ausetalia.
O lea gaioiga o le a avanoa ai se auala e vave ai tulaga tau i oloa ave i fafo ma o se tulaga lelei tele foi lea mo Ausetalia i le maua ai o vaamaulu e faaaogā ai le malosiaga faaniukilia.
E lē gata i lea ae o le a vave ai foi ma le faalauteleina ma le gaosia o auupega e pei o drones e faaaogā i le sami, missiles ma isi auupega e faaaogā e paaga a le AUKUS.
Saunoa le minisita o puipuiga a Ausetalia, Richard Marles o se matuai tala fiafia lenei mo le puipuiga a Ausetalia.
Puna o Faamatalaga: https://www.9news.com.au/national/aukus-partners-drop-trade-barriers/5b941d5b-a4b8-4feb-abb9-e561fbd3e154
