O se tasi o tagata faasalalau iloga a Ausetalia o Alan Jones ua pu’e e leoleo i Sini ina ua feta’ua’ina i moliaga o le faaoolima matagā atoa ai ma isi moliaga tali tutusa mai le tele o tausaga ua tuana’i.
Fai mai le 9News o Jones 83 tausaga na pu’eina mai lona fale i Circular Quay i le taeao analeila ma ave ai i le ofisa o leoleo.
I le masina o Mati o le tausaga nei na faatūina ai se squad poo se ausu’esu’e a leoleo e su’esu’eina nisi o moliaga e faatatau i le mataupu lea i le alii faasalalau mai le 2001 e oo mai i le 2019.
Fai mai na faatinoina se sa’iliga i lona fale i le taeao analeila ma o loo faatalitalia se faamatalaga mai leoleo e tusa o le mataupu ae i le taimi ua sola sa ia teena ai pea le mau tuua’iga ua faia faasaga ia te ia.
E lē o faapea mai le 9News o ia tuua’iga ua mafua ai ona pu’eina peitai o loo faatalia se faamaoniga mai leoleo i le mafuaaga ua pu’eina ai.
Puna o Faamatalaga: https://www.9news.com.au/national/alan-jones-arrested-allegations-he-indecently-assaulted-young-men/af0ce3f3-897b-4dd8-999a-a3a4d3dcc694
