E lē o iloa poo le ā le umi o le a pa’ulia ai le vaa la’uoloa tele a le Manahau.
O le aoauli o le Aso Toonai lea na ta mai ai e galu aga’i i uta i le oneone le vaa tele lenei ona o uiga loulouā o le tau, ma e tupu o loo iai le to’a 11 tagata i luga o le vaa.
E leai se uta a le vaa i lea taimi, ma e oo mai i le aoauli ananafi o loo faia galuega e taumafai e loka ai le vaa mai le faaauau tafea atu aga’i i le itu o iai maa.
O galuega uma foi o loo faia nei e toe ave ai aga’i i le sami le Manahau, o lea o loo faasolo i le ao ma o loo iai pea le aufaigaluega i luga o le vaa.
I faamaoniga e lē o iai se aafiaga o le siosiomaga ona o le pa’ulia o le vaa e 3000 tone le mamafa.
O le Manahau e lata i le 100 mita le umi, ma o lea foi faato’ā 6 vaiaso talu ona taunuu mai i Niu Sila ma o tagata uma mai fafo lea o loo faafaigaluega i luga o le vaa.
Fai mai ai ma le iuni a le Maritime, o se faanoanoaga lea itu ma e leai lava nisi e sili ona malamalama i auala vaa ma sami nai lo seila Niu Sila.
Ae i le aso ananafi ma le vaaiga i luga o le matafaga i Westport, o se avanoa mo puegāata ma matamataga a le to’atele ma le tala e lei vaai muamua i se mea faapea.
Puna o Faamatalaga: https://www.1news.co.nz/2024/09/01/grounded-barge-could-be-stuck-at-westport-beach-for-days/
