Ua ioe le komesina o le City Council a Tauranga e toe faaleleia le Tauranga’s Memorial Park ma o le a faia ai ma le fale aau fou.
E $153.25 miliona le tau atoa o le galuega, ma o le $122.25 miliona e alu uma lea i le fausiaina o le fale aau fou.
O se galuega tele e lē gata o le a toe faaleleia ai fale tuai o loo iai nei, ae o le a siitia ai foi lona tulaga ma ia maua ai se isi nofoaga e agai iai tagata.
Saunoa le komesina Shadrach Rolleston, ua tuai tele fale o loo iai ma ua moomia le faaleleia.
Ae mo le fale aau tele ua fuafua nei, o loo faamoemoe e tatala i le faaiuga o le 2027 ma o lona tau foi o lea lava na tau faatasi i totonu o le paketi o le 2021 – 2031 a le Council.
