Ua faaāta mai e lipoti a le World Bank poo le faletupe o le lalolagi e foliga o le a faaitiitia le faatupula’ia o tamaoaiga o le Pasefika i le 3.6 pasene i le tausaga nei, mai le 5.8 sa iai i le 2023.

Ua alia’e ai ma popolega i le tulaga o le faatupula’ia o tamaoaiga o atunuu o le Pasefika ma e foliga o le a lē toe foi i le tulaga e pei ona masani ai a o lei oo mai le koviti.

Fua i faamaumauga a le faletupe ua faailoa ai o le a faigata foi mo tagata ona faaleleia le tulaga o o latou soifuaga ma ono iai pea le avanoa o le mativa ma le lē tagolima i nisi o atunuu.

Fai mai le faletupe o inivesi e faia faavaomalo ua faaitiitia ma e mana’omia e le Pasefika ona toe faufau aemaise lava mai vaega e aafia ai e pei o mala faalenatura faata’ita’iga o afā.

Na faailoa foi o loo iai le avanoa e faatupula’ia ai le itu tau tulisi ma faato’aga i le Pasefika.

Puna o Faamatalaga: https://www.rnz.co.nz/international/pacific-news/531160/world-bank-forecasts-pacific-economic-slowdown